Luis De La Fuente gjeti zëvendësimet e duhura në ndeshjen ndaj Portugalisë, pasi futbollistët e stolit bënë diferencën në fitoren 1-0 që çoi Spanjën në çerekfinalet e Botërorit, me Merinon i cili ia doli të shënonte në minutën e parë shtesë golin e vetëm të ndeshjes.

“E vërteta është që ishte një ndeshje e madhe, një finale e parakohshme, dhe siç mund të ishte ndryshe duke vuajtur deri në fund. Luajtëm një ndeshje shumë të kompletuar, lojtarët më të rëndësishëm janë ata që hyjnë nga stoli.

Merinos i thashë të luante si gjithmonë, të mbështeste mesfushën dhe sulmin. Po mendonim t’u jepnim pak më shumë ritëm për të përballuar kohët shtesë. Sjellja e lojtarëve ishte mjeshtërore.

Kundërshtari i radhës? Në këtë fazë, nuk na intereson se me kë përballemi. Jemi të lumtur që jemi në çerekfinale dhe do të japim gjithçka deri në fund. Kemi shumë cilësi që do t’i bëjnë kundërshtarët tanë të mendojnë se jemi skuadra që duhet mposhtur. Kemi shumë besim në vetvete, jemi shumë të sigurt në vetvete dhe do të japim më të mirën deri në minutën e fundit. Kundërshtarët tanë do të duhet të na mposhtin. Mendoj se kemi shumë avantazhe që do t’i bëjnë kundërshtarët tanë të mendojnë në të njëjtën mënyrë”, ishte komenti i De La Fuente pas ndeshjes.

PANORAMASPORT.AL

---