Lajme të mira nga infermieria për Tiranën. Bardheblutë në sfidën me Pogradecin do të kenë në dispozicion dyshen Dembele-Ndreca.

Si njëri dhe tjetri do të jenë gati deri të dielën. Po kështu, edhe Ismajli është gati për të luajtur pak minuta në lojën ndaj liqenorëve. Për t’u parë është gjendja e Metës, i cili në ndeshjen me Dinamon ishte në stol, por nuk luajti.

Bardhebluve do t’u mungojnë disa lojtarë në këtë sfidë, duke filluar nga Ernest, Abah, Prengaj. Të tre në repartin e sulmit. Të tre e kanë mbyllur sezonin dhe nëse qëndrojnë, do të jenë në fushë vetëm sezonin e ardhshëm.

Tirana, pas fitores me Dinamon, ka pasur luksin që të jetë pushim 24 orë. Shkëmbi ka lejuar që bardheblutë të relaksohen pak para sfidës, që ata do të zhvillojnë ditën e diel ndaj Pogradecit.

Tirana do të luajë në “play out”, për të siguruar qëndrimin në Kategorinë Superiore. Bardheblutë luajnë për herë të parë në “play out”, ndërsa në 2017-ën kanë rënë nga kategoria

PANORAMASPORT.AL

---