Trajneri i Italisë, Rino Gatuzo, është shfaqur para mediave për konferencë para sfidës ndaj Bosnjë Hercegovinës ku të kaltrit kërkojnë fitoren për t’u kthyer përsëri në Botëror ku kanë munguar në dy edicionet e fundit. Gatuzo ka theksuar se ekipi është përmirësuar në shumë aspekte, ndërsa ka vlerësuar edhe një herë se respekton njëlloj boshnjakët, ashtu si çdo kundërshtar tjetër.

“Ndonjëherë në historinë tonë jemi bërë kampionë edhe pse nuk ishim më të fortët, me shpirt të lartë gare. Kjo është ajo që nuk duhet të mungojë nesër.

Kur je lojtar dhe trajner, ndeshjet janë të vështira, veçanërisht nëse e di që nuk mund të bësh gabime. Mund t’u thuash lojtarëve çfarë të duash, por sapo del në fushë, është një histori tjetër. Bëmë disa gabime taktike kundër Irlandës së Veriut dhe paguam pak për këtë. E vërteta është se shtatë muaj më parë, nuk ishim kështu, vuanim kundër kundërshtarëve tanë, ata e arritën lehtësisht golin dhe mendoj se jemi përmirësuar në këtë aspekt. Nuk do të kishim aplikuar një presion kaq super sulmues, por këto janë gjëra të vogla që e kanë bërë ekipin më pak të shkëlqyer. Megjithatë, unë preferoj që ekipi të jetë i vendosur mirë në fushë dhe të vuajë më pak kundërshtarët. Më pak tërheqës, por më solid.

Fusha? Nëse është e keqe për ne, është e keqe edhe për ta. Është sjellje njerëzish të dobët të kërkosh justifikime. Për mua, fusha është në rregull. Ajo që ka rëndësi është qëndrimi dhe sjellja.

Barbarez? Ai është një lojtar i shkëlqyer pokeri dhe e vlerësoj shumë. Më kujtohet kur luante si sulmues; ishte një sulmues i mirë. Tani ai e do pokerin dhe e di që është një trajner i aftë që i prek në shpirt lojtarët e tij. Polemika me Dimarkon dhe festimin? Ishim budallenj që lënduam veten, por këto janë budallallëqe. Bosnja është një ekip fizik që di si të lëndojë. Ne e dimë këtë dhe Barbarez e di gjithashtu; ka respekt të madh nga ana jonë”, tha ndër të tjera Gatuzo.

PANORAMASPORT.AL

---