Superliga e Kosovës/ Drita rihap garën për titullin, Prishtina “shpartallon” Dukagjinin
U luajtën sot 2 ndeshjet e prapambetura të javës së 25-të, të Superligës së Kosovës. Drita fiton minimalisht 1-0 kundër Feronikelit, ndërsa nuk kishte shumë histori ndërmjet Prishtinës dhe Dukagjinit, ku kryeqytetasit fituan me rezultatin e thellë 5-0.
Ishte mbrojtësi Ovouka, ai që u bë heroi i ndeshjes për ekipin e Dritës. 24-vjeçari shënoi golin e vetëm të sfidës në minutën e 79’ të lojës. Ndërsa për Prishtinën autorët e golave ishin Limani më një gol, dhe Pafqelli bashkë me Hamitin që realizuan nga dy herë secili.
Me këtë fitore shumë të rëndësishme, Drita tashmë pozicionohet në vendin e 3-të në renditjen e kampionatit, vetëm 2 pikë larg Ballkanit të vendit të parë. Mund të themi se gara për titull është hapur përsëri, duke marrë parasysh rezultatet e dobëta që ka marrë Ballkani këto javët e fundit, dhe Dritën bashkë me Llapin, që i janë afruar shumë kampionëve në fuqi.
PANORAMASPORT.AL
NDIQE LIVE "PANORAMA TV"