Shqipëria mposhti Turqinë në miqësoren e zhvilluar në Antalia me rezultatin 2-3, duke bindur edhe pse luajti që prej minutës së 41-të me një lojtar më pak pas daljes me karton të kuq të Memushajt.

Ishte Armando Sadiku i cili hapi serinë e golave në minutën e 24-t duke kaluar në avantazh kuqezinjtë e Panuçit. Në minutën e 39-të Shqipëria thellon rezultatin me protagonist përsëri bomberin nga Elbasani. Kur gjithçka ishte duke shkuar në perfeksion, Ledion Memushaj braktis papritur skuadrën duke u ndëshkuar me karton të kuq në minutën e 41-të. Këtu gjërat vështirësohen disi për Kombëtaren.

Under rihap takimin në minutën e 47-të. Por Shqipëria mbledh forcat dhe në minutën e 55-të shënojnë golin e tretë me Eros Grezdën. Akbaba kundërpërgjigjet shumë shpjet teksa në minutën e 60-të shënon rihap shënon golin e dytë për Turqinë. Kuqezinjtë tregohen të kujdesshëm në minutat e mbetura duke mos i lejuar hapësira kundështarit. Në sfidën e sotme debutuan edhe 2 futbollistët e rinjt të thirrur nga Panuçi. Bëhet fjalë për Kamer Qakën dhe Astirt Ajdareviç.

MINUTE PAS MINUTE

Përfundon takimi miqësor, Turqi-Shqipëri 2-3

90+1′ Ugur provon me një gjuajtje nga distanca, topi përfundon jashtë kuadratit.

90′ Akordohen 4 minuta shtesë.

86′ Largohet Sabjen Lilaj, në fushë Andi Lila.

81′ Eros Grezda largohet nga fusha e lojës i dëmtuar, vendin e tij e ze Ajdareviç.

78′ Xhaka provon nga goditja e dënimit, topi përfundon mbi kuadrat.

77′ Ozan Tufan ndëshkohet me karton të verdhë pas ndërhyrjes së gabuar ndaj Grezdës shumë pranë hyrjes së zonës.

66′ Shqipëria kryen 3 zëvendësime, largohen Roshi, Lenjani dhe Sadiku në fushë Qaka, Aliji dhe Ajeti.

60′ GOOL Turqia 2-3. Tosun lë një top në zonë për të sapofuturin Akbaba, i cili me një goditje me të majtën mposhtë portierin Berisha duke ngushtuar diferencën.

 

55′ GOOL Shqipëria 1-3. Eros Grezda shënon golin e parë me fanellën e Kombëtares. Sadiku merr një top brenda zonës, pengohet nga mbrojtësit dhe topi më pas shkon te Grezda, i cili me një goditje me të majtën shkund rrjetën e Babaxhan. 

 

 

52′ Një tjetër mundësi shënimi për Turqinë. Tosun provon me një gjuajtje të bukur, por Berisha kundërpërgjigjet mjaft mirë duke grushtuar topin.

47′ GOOL Turqia 1-2. Under ngushton diferencën për vendasit pas një asisist të Tosun nga krahu i majtë, mesfushori turk godet saktë shumë pranë vijës fatale duke dërguar topin në rrjetë. 

46′ Ka startuar pjesa e dytë.

Ka përfunduar pjesa e parë, Turqi-Shqipëri 0-2

41′ Ledian Memushan ndëshkohet me kartonin e dytë të verdhë pas një ndërhyrje të gabuar në mesfushë. Shqipëria mbetet me 10 vetë.

39′ GOOL Shqipëria 0-2. Roshi kroson në qendër për Sadikun, i cili godet saktë me kokë duke dërguar topin në rrjetë.

32′ Ledian Memushaj ndëshkohet me karton të verdhë.

24′ GOOL Shqipëria 0-1. Roshi pas një depërtimi nga e djathta, servir një top të bukur për Sadikun, i cili godet saktë brenda zonës duke përshëndetur rrjetën.

 

22′ Përsëri Turqia rrezikshëm. Tosun godet me të majtën, Berisha shpëton sërish portën e Kombëtares.

 

18′ Rast i rrezikshëm në portën e Shqipërisë. Tosun provon me një goditje të fuqishme brenda zonës, ndërhyn Etrit Berisha. Një pritje e shkëlqyer.

13′ Grezda tenton me një goditje, topi devijohet në goditje nga këndi për Shqipërinë.

12′ Provon edhe Çalhanoglu me të djathtën, topi përfundon jashtë kuadratit.

10′ Turqia provon të rrezikojë portën e Shqipërisë. Tosun lëshon një gjuajtje nga jashtë zonës, ndërhyn Berisha, i cili zotëron topin.

3′ Goditje dënimi për Shqipërinë në krahun e majtë shumë pranë zonës. Kuqezinjtë provojnë një skemë me Lilajn, por mbrojtësit turq tregohen të vëmendshëm duke larguar rrezikun.

1′ Ka nisur takimi.

Turqi – Shqipëri 2-3

 Under, Akbaba / Sadiku 24′ , 39′, Grezda

Turqia (4-2-3-1): Babaçan, Jardimçi, (Tufan 46′), Aziz, (Demirok 46′), Sojunçu, Turan, (Kojabashi 46′), Jukuslu, Ozjakup, Çalhanoglu, (Jusuf 75′), Under, (Enes 71′) Karaman, (Akbaba 60′), Tosun.

Trajner: M. Luçesku

Shqipëria (4-2-3-1): Berisha, Hysaj, Mavraj, Veseli, Lenjani, (Ajeti 66′) Lilaj, Xhaka, Memushaj, Roshi, (Qaka 66′), Grezda, Sadiku (Aliji 66′)

Trajner: K. Panuçi

Gjyqtar: Georgi Nikolov Kabakov (Bullgari)

KK: Memushaj 41′

NDIQE LIVE "PANORAMA TV"

---