FIFA ka publikuar renditjen e saj të re pas dy kompeticioneve të mëdha që u zhvilluan, Kupa e Azisë dhe Kupa e Kombeve të Afrikës, duke ndryshuar tabelën e klasifikimeve të kombëtareve.

Shqipëria ka humbur dy pozicione edhe pse pa luajtur prej thuajse tre muajsh, kjo pasi kombëtaret afrikane dhe ato aziatike kanë lëvizur në renditje.

Kështu Kombëtarja kuqezi ka rënë në vendin e 64-të nga i 62-ti.

Sa i përket Kosovës, edhe përfaqësuesja “Dardane” ka pësuar zbritje me një vend pozicion, duke shkuar në vendin e 102-të.

10 vendet e para qëndrojnë të pandryshuara, me Argjentinën që kryeson tabelën, teksa ndiqet nga Franca e Anglia.

PANORAMASPORT.AL

NDIQE LIVE "PANORAMA TV"

---