“Na u duk sikur ishim në luftë”, Son rrëfen tmerrin në përballjen e luajtur mes Koreve: Jemi me fat që u kthyem në shtëpi…
Një përballje historike u zhvillua disa ditë më parë, mes 2 Koreve, asaj të Veriut dhe të Jugut. Ky ishte derbi i parë zyrtar mes këtyre 2 vendeve, që tërhoqi vëmendjen e të gjithë botës së futbollit.
Përballja u zhvillua në kryeqytetin e Koresë së Veriut, në një stadium të boshatisur, dhe pa praninë e mediave. Sfida përfundoi në barazim 0-0, ndërkohë që në një prononcim për mediat britanike, kapiteni i Koresë së Veriut, Son, rrëfeu vuajtjet e përjetuara në këtë përballje, teksa deklaroi:
“Më vjen keq që nuk fituam, por dua të them se ndeshja ishte shumë agresive, saqë mendoj se ishim me fat që u kthyem në shtëpi të sigurtë dhe pa u dëmtuar. Lojtarët e Koresë së Veriut ishin të ndjeshëm dhe agresivë. Na shanin dhe godisnin.
Na u duk sikur ishim në luftë! Unë kurrë nuk kam parë kaq shumë agresivitet në futboll deri më tani. Koreano-veriorët nuk bënin as kontakte me sy, kur unë u mundova të bisedoja me ta, për të mos folur për përgjigjet”, u shpreh Son.
PANORAMASPORT.AL
NDIQE LIVE "PANORAMA TV"