Vazhdon situata e vështirë për Stiven Zhangun dhe klubin e Interit. Duket absurde që shifrat dhe rritja ekonomike është evidente, por në fakt klubi vazhdon të mos e paguajë borxhin që ka ndaj “Oaktree”.

Nëse kalon data e parashikuar, atëherë fondi ka të drejtë që të marrë drejtimin e skuadrës dhe të futet në bisedime me persona të tretë që duan të financojnë apo të blejnë aksione.

ULTIMATUM – Por kjo, nëse duam, tashmë është histori e vjetër pasi në frontin jashtë fushës, çështja në lidhje me të ardhmen korporative të Interit mbetet në tryezë. Nëse javët e fundit, dhënia e një kredie të re për Steven Zhang nga fondi “Oaktree” dukej më larg (supozime, mospërfillje, parashikime), sipas “Il Sole 24 ore” fondi nga Amerika e Veriut duket se mund të bëjë një lëshim për Stiven Zhangun. Në fakt, gazeta ekonomike milaneze e shpjegon këtë duke theksuar se:

“Kapitali privat i kryesuar nga Karlo Festa do të ishte i gatshëm të rifinanconte dhe t’i jepte hapësirë për manovrim Zhangut, në këmbim të garancive të mëtejshme dhe perspektivës konkrete të identifikimit të një investitori të ri.

Në këtë mënyrë, rifinancimi do të ishte një mjet për t’i dhënë edhe më shumë kohë për të finalizuar negociatat me një aksioner të ri. Përndryshe, pa garancinë e ardhjes së kapitalit të ri, “Oaktree” do të zgjidhte zbatimin e pengut për kompaninë mëmë luksemburgase të Interit, përballë borxhit të Zhang prej 385 milionësh (përfshirë interesin)”.

E thënë ndryshe, nëse pronari kinez nuk paguan detyrimet, klubi do të kalonte te amerikanët nëpërmjet ekzekutimit të një urdhri përmbarimi. Fondi amerikan do t’i jepte të drejtën vetes që të futej në bisedime me të tjerë financues dhe të zgjidhte ndoshta pronarë të rinj për Interin. Kjo ka qenë në marrëveshjen paraprake që ka bërë Zhang me fondin.

PANORAMASPORT.AL

NDIQE LIVE "PANORAMA TV"

---