Legjenda holandeze Mark Oversmars është pezulluar nga Instituti i Juridiksionit Sportiv (ISR) për një vit për shkak të sjelljes së papërshtatshme gjatë kohës së tij si drejtor te Ajaks. ISR e ndëshkoi pasi akuzohet për ngacmim seksual. Për një vit, ai nuk lejohet të mbajë një pozicion brenda insitituconit drejtues holandez ose organizatave të lidhura me të.

“Duke pasur parasysh pozicionin e tij si drejtor statutor dhe udhëheqës de facto brenda organizatës Ajaks, Overmars duhet të ishte i vetëdijshëm për rolin shembullor që kishte dhe se ai duhej të përmbahej nga një sjellje e tillë”, shkruan ISR në vendimin e publikuar në fletoren zyrtare.

Gjithsesi, ai mund të vazhdojë punën e tij si drejtor teknik në Antverp, klubin ku luan sulmuesi i Kombëtares kuqezi, Arbnor Muja. Klubi belg e emëroi atë disa javë pas dorëheqjes së tij nga Ajals mes akuzave të shumta për sjellje me tendencë seksuale.

PANORAMASPORT.AL

NDIQE LIVE "PANORAMA TV"

---