Tirana është bërë e pandalshme dhe me përforcimet e bëra gjatë kësaj merkato synon titullin kampion.

Së fundmi bardheblutë kanë njoftuar se tre talentë të akademisë do të jenë pjesë e ekipit të parë. Bëhet fjalë për dy mesfushorë, Mateo Maçi dhe Aimar Bami, ndërsa tjetri është qendërmbrojtësi Leon Misja. Një mundësi shumë e mirë për tre të rinjtë që synojnë të bëhen futbollistë të mëdhenj.

NJOFTIMI I PLOTË

Tre talente të Akademisë bëhen pjesë e ekipit të parë të KF Tiranës

KF Tirana ka kënaqësinë të prezantojë tre futbollistë të dalë nga Akademia bardheblu, të cilët i bashkohen ekipit të parë për sezonin e ri.

Mateo Maçi – 17 vjeç, Mesfushor

Aimar Bami – 18 vjeç, Mesfushor qendre

Leon Misja – 18 vjeç, Qendërmbrojtës

Ky moment përfaqëson filozofinë e klubit: të identifikojë, zhvillojë dhe promovojë talentet e veta. Akademia e KF Tiranës vazhdon të ndërtojë një urë të fortë drejt ekipit të parë, duke u dhënë lojtarëve të rinj kohën, besimin dhe mundësinë për të hedhur hapin drejt futbollit profesionist.

Suksese Mateo, Aimar dhe Leon! Mirë se vini në ekipin e parë të KF Tiranës.

#kftiranaacademy #akademiakftirana

PANORAMASPORT.AL

---