Ekipi kombëtar i Argjentinës u kritikua ashpër për sjelljen gjatë pjesës më të madhe të Kupës së Botës 2026, veçanërisht në finale kur u mposht nga Spanja në New Jersey.Fishkëllima e fundit u pasua nga një përballje e shëmtuar që përfshinte Leandro Paredes dhe dyshen e Spanjës Erik Garsia dhe Gavi, ndërsa një klip i ndihmëstrajnerit Roberto Ayala që duket se godet Dani Olmo filloi të qarkullonte shpejt në mediat sociale. Për më tepër, Nikolas Otamendi u përfshi në një diskutim të nxehtë me kapitenin e Spanjës, Rodri pak çaste para ceremonisë së medaljeve të Kupës së Botës.

Menjëherë pas kësaj, ndërsa Spanja festoi fitoren e saj, lojtarët e Argjentinës kthyen shpinën që të mos shihnin kundërshtarët e tyre duke ngritur Kupën e Botës.

Në vend që të përballeshin me skenën, siç bëjnë tradicionalisht nënkampionët gjatë ceremonisë së medaljeve, skuadra e Argjentinës u kthye drejt pjesës së stadiumit ku qëndronin mbështetësit e saj, duke thyer një nga traditat e gjata të sportit.

Gjesti u prit negativisht nga shumë tifozë të Spanjës, si dhe nga vëzhgues neutralë që ndiqnin ceremoninë. Sipas raportimeve, anëtarët e dhomës së zhveshjes së Spanjës u habitën nga ajo që kishin parë dhe kritikat ndaj veprimeve të Argjentinës u përhapën shpejt.

Megjithatë, duke e parë nga afër, kishte një lojtar që shkoi kundër rrymës dhe u përball me drejtimin e kundërt nga shokët e tij të ekipit ndërsa Rodri ngriti trofeun e Kupës së Botës lart në qiellin e New Jersey-t. Sulmuesi Hose Manuel Lopez, i njohur shpesh si Flako Lopez, ishte personi në fjalë.

Enquanto todos os argentinos viraram de costas… Flaco López foi o único que assistiu a cerimônia da Espanha. pic.twitter.com/Pdx3nNrgG4

— João Freire (@joaofrreire) July 20, 2026

Me siguri lojtari me profilin më të ulët në listë, sigurisht jashtë Amerikës së Jugut, Lopez aktualisht luan për klubin brazilian Palmeiras, të cilit iu bashkua në korrik 2022.

Pasi mori thirrjen e tij të parë për ekipin e parë në gusht 2025, 25-vjeçari debutoi me Argjentinën në tetor të vitit të kaluar dhe që atëherë ka bërë shtatë paraqitje. Lopez luajti dy ndeshje si zëvendësues në Kupën e Botës 2026, duke asistuar golin spektakolar të Julian Alvarez në çerekfinale kundër Zvicrës.

PANOAMASPORT.AL

---