Fill Foden ka nënshkruar një kontratë të re katërvjeçare me Mançester Sitin që do ta mbajë atë në klub deri në vitin 2030, me një mundësi zgjatjeje me 12 muaj të tjerë.

26 vjeçari konsiderohet një pjesë qendrore e ekipit nën drejtimin e trajnerit të ri Enco Mareskës. Edhe pse Milani e pëlqente Foden, ky i fundit do të vazhdojë te “Qytetarët”.

“Të përkushtoj të ardhmen time te Siti do të thotë gjithçka për mua. Të luaj për këtë klub është e gjitha që kam dashur ndonjëherë të bëj dhe është gjithmonë një nder të vesh fanellën. Nuk më ka shpëtuar mendja se kam qenë me fat që jam pjesë e një periudhe historike me kaq shumë tituj të fituar, por ne gjithmonë shikojmë drejt së ardhmes dhe përpiqemi të fitojmë më shumë”, deklaroi ai pas firmës.

The story continues… 📖 pic.twitter.com/WJMiFAI5Au

— Manchester City (@ManCity) July 22, 2026

Foden nuk u bë pjesë e skuadrës së Anglisë të Tomas Tuhel për Kupën e Botës pas një sezoni të dytë zhgënjyes, por Siti i ka besuar lojtarit që filloi stërvitjen me klubin në moshën gjashtë vjeç. Sezonin e kaluar Foden bëri 50 paraqitje në të gjitha garat për Sitin dhe katër për Anglinë në dy kualifikuese të Kupës së Botës dhe dy miqësore të marsit.

PANORAMASPORT.AL

---