Kombëtarja shqiptare e futbollit ka zhvilluar sot në Valencia stërvitjen e fundit para ndeshjes miqësore me Ukrainën që luan nesër. Një ndeshje ku qartësisht fokusi do të jetë për të parë në fushë një reagim pas humbjes ndaj Polonisë, por edhe ndoshta disa emra të rinj në veprim.

Grupi ka qenë i plotë, por nga video e publikuar në rrjetet sociale nga FSHF, bie në sy se sulmuesi Jasir Asani vazhdon të ketë probleme në gjurin e këmbës së djathtë, që e ka shqetësuar edhe në ditën e kaluar.

Futbollisti e kishte gjurin të fashuar në stërvitjen e sotme, ku ka marrë pjesë në ushtrimet me pjesën tjetër të grupit, si dhe në ndeshjet e vogla të kontrollit ku trajneri Silvinjo orientoi ekipin në rreshtime taktike për ndeshjen ndaj Ukrainës.

SHIH VIDEON

PANORAMASPORT.AL

---