Zoran Zekiç qëndroi pa ekip në këtë sezon, ndërsa dy klube kanë treguar interes për ta rikthyer në stol. Bëhet fjalë për Partizanin dhe Sarajevon. Tifozët e Sarajevos po e kërkojnë sërish dhe madje me ngulm, ndërsa Zekiç ka komentuar zërat e fundit për të nga Bosnja.

“Nuk kam kontakt të ngushtë me zyrtarë nga klubi. Jeta ecën shumë shpejt, të gjithë merremi me problemet tona. Jam në një marrëdhënie me shumë lojtarë, të cilët i kam stërvitur dhe njerëz që ishin bashkëpunëtorët e mi në klub. Kështu që di gjithçka. I di vështirësitë që kam kaluar në punën time të përditshme.

E kam theksuar shumë herë, Sarajeva mbetet një kujtim i mirë dhe kam shumë momente të mira. Dhe për rikthimin, zoti e di se çfarë sjell e nesërmja. Mendoj se u ndamë në mënyrën më të drejtë të mundshme”, u shpreh Zekiç për Klix.ba.

Zekiç ndërkohë komenton në studio si ekspert futbolli. Për të vera konsiderohet periudhë e ngarkuar në Kroaci, duke qenë se është Botërori.

EMANUEL LOCI-PANORAMASPORT.AL

---