Me vetëm 19 vjeç, Endrik transmeton një qetësi të pazakontë për moshën e tij. Flet pa nxitim, mat çdo përgjigje dhe e përballon presionin e Botërorit me një natyrshmëri që habit edhe gazetarët brazilianë.

Larg kërkesës për një vend në formacionin titullar, ai këmbëngul në rëndësinë e grupit, pranon çdo rol dhe përsërit një ide që ka shënuar rritjen e tij që nga mbërritja në Europë. Besimin te Karlo Ançeloti. Trajneri italian ishte ai që i kërkoi durim te Real Madridi dhe tani po menaxhon sërish minutat e tij me Brazilin.

Mirënjohja

“Jam shumë mirënjohës ndaj Zotit. Ka tre vite që vij me kombëtaren dhe jam shumë i lumtur që vazhdoj të jem këtu. Duhet të vazhdoj të punoj për të përfaqësuar Brazilin.”

Ankthi

“Jam shumë mirënjohës që jam këtu, me këtë grup dhe duke luajtur një Botëror. Jemi 26 lojtarë të përgatitur për të garuar dhe të gjithë po presim mundësinë tonë. Nëse do Zoti, do të bëjmë një ndeshje të madhe për të kaluar raundin.”

Nejmar

“Kam një marrëdhënie shumë të mirë me Nejn. Pas stërvitjeve gjithmonë bëjmë shaka. Të jesh me të është shumë e rëndësishme. Të flasësh me kapitenët e kombëtares, jo vetëm me Nejmarin, është diçka e mrekullueshme. Mundohem të mësoj nga të gjithë. Këtë e bëja edhe te Palmeiras, duke e pyetur Gustavo Gomesh çfarë mund të përmirësoja. Do të përpiqem të marr maksimumin nga Nejmar për ta marrë atë eksperiencë gjatë gjithë karrierës sime.”

Rajan

“Rajan dhe unë jemi bashkë që nga Botërori U-17 i vitit 2017. Kemi kaluar gjithë procesin bashkë, njësoj si me Igor Tiago. Nuk e imagjinonim kurrë që në moshën 19-vjeçare do të ishim këtu në një Botëror. Do të bëjmë gjithçka për të ndihmuar ekipin. Na presin ndeshje shumë të rëndësishme dhe nuk ka vend për gabime.”

Ançeloti

“Bashkëpunimi me të është i mrekullueshëm. Ai ishte trajneri im i parë në Europë dhe ishte fantastike të mësoja prej tij dhe stafi t të tij. Në kombëtare po ndodh e njëjta gjë. Po bën gjithçka për Brazilin dhe për ndërtimin e një grupi më të fortë. Duam të vazhdojmë të rritemi për të garuar.”

Mbështetja e Ançelotit

“Në sezonin tim të parë te Real Madridi luajta shumë. Ai më thoshte gjithmonë të isha i qetë, se momenti im do të vinte, dhe erdhi në Kupën e Mbretit. Gjithmonë kam qëndruar i qetë sepse trajneri është një nga më të mirët në histori dhe e di saktësisht çfarë bën. Shembull është Martineli, që hyri nga stoli dhe shënoi kundër Japonisë.”

Konkurrenca

“Në Lion kam luajtur si qendërsulmues, si ‘false nine’ dhe si sulmues krahu i djathtë. Trajneri i njeh shumë mirë karakteristikat e mia. Unë stërvitem gjithmonë për të ndihmuar ekipin. Ai e di ku mund të kontribuoj, njësoj si Kunja apo Igor. Do të marrë vendimin më të mirë për Brazilin.”

Rafinja

“Rafinja është shumë i rëndësishëm për ne. Është një ‘përbindësh’. Na ka munguar shumë. Shpresojmë të kthehet shpejt sepse është i çmendur për t’u rikthyer. Punon mëngjes, drekë dhe natë për t’u kthyer me ne.”

Pozicioni

“Të them të drejtën, në Lion luaja kudo që trajneri kishte nevojë për mua. Kjo më ka ndihmuar të jem këtu sot. Nëse duhet të luaj në krahun e djathtë, siç ndodhi kundër Skocisë, do ta bëj sepse kjo është ajo që kërkon trajneri.”

Titullar

“Do të fle si një bebe. Shumë i qetë. Dua të fl as me Zotin dhe të jem i qetë. Zoti tashmë më ka thënë pse jam këtu: për të treguar kush është Endrik dhe kush është pranë meje. Nëse do Zoti, do të hyj dhe do të bëj diçka për kombëtaren time. Shpresoj që pastaj të thonë se nuk ishte vetëm për mua, por edhe me ndihmën e Zotit.”

Ndeshja

“Ndeshja kundër Japonisë ishte e mrekullueshme sepse nuk e prisja të hyja në atë moment. Fola me Zotin për të kërkuar qetësi sepse isha në stol duke pritur shansin dhe duke inkurajuar shokët. Kur hymë në dhomën e zhveshjes, trajneri më tha të isha i qetë sepse do të hyja. Ndihmova në dy gola. Të ndihmosh ekipin është kënaqësia më e madhe.”

Norvegjia

“Do të jetë një ndeshje e madhe. Të dy ekipet duan të fi tojnë. Shpresoj të bëjmë një ndeshje të mirë. Mundohem gjithmonë të bëj atë që kërkon trajneri. Gabimi minimal paguhet shtrenjtë dhe duhet të ruajmë qetësinë sepse në eliminatore çdo gjë vendoset në një çast. Duhet ‘ta vrasim’ ndeshjen.”

Atësia

“Për mua është një nder. Jam shumë mirënjohës që kam një familje kaq të mrekullueshme. Po pres me padurim të shoh djalin tim. Nëse do Zoti, një ditë do t’i tregoj histori të mrekullueshme, por jo vetëm për futbollin. Dua t’i flas për jetën time, për atë që është Endrik si person dhe jo vetëm si lojtar.”

PANORAMASPORT.AL

---