Agjencia Ndërkombëtare e Testimit (ITA) do të zhvillojë mbi 600 kontrolle antidoping gjatë edicionit 2026 të Turit të Francës, duke udhëhequr për të gjashtin vit radhazi programin për sport të pastër në garën më prestigjioze të çiklizmit.Mbi 360 teste jashtë garës janë kryer tashmë gjatë muajit para nisjes së eventit, ndërsa kontrollet do të vazhdojnë gjatë tre javëve të garës. Lideri i klasifikimit të përgjithshëm dhe fituesi i çdo etape do t’i nënshtrohen gjithmonë testimit. ITA do të përdorë analiza të avancuara shkencore, inteligjencë operative dhe Pasaportën Biologjike të Atletit për të identifikuar çdo shkelje të mundshme.

Mostrat e përzgjedhura do të ruhen për 10 vjet, duke lejuar ri-analizimin e tyre me teknologji të reja në të ardhmen. Analizat do të kryhen kryesisht në laboratorin e akredituar nga “WADA” në Paris. Sipas drejtorit të përgjithshëm të ITAs, Benjamin Cohen, objektivi mbetet garantimi i një gare të drejtë dhe mbrojtja e integritetit të Tour de France për të gjithë çiklistët.

PANORAMASPORT.AL

---