Jo më kot Egnatia është fituese e dy viteve të fundit të Kupës së Shqipërisë, sepse ka qenë një ekip që i ka dhënë njëkohësisht edhe seriozitetin e duhur këtij kompeticioni. Rrogozhinasit vinin para ndeshjes me Partizanin pas një serie prej plot 20 ndeshjesh që nuk munden në Kupë.

Për herë të fundit kjo kishte ndodhur më 17 nëntor të vitit 2021, kur mundeshin përballë Kukësit në shifrat 1-0.

Por ja që çdo gjë e ka një fund dhe Egnatia dje dominoi të kuqtë, por iu dorëzua shpërthimit të Kekos. Tashmë Egnatia nuk është e pamposhtur në Kupën e Shqipërisë, por kjo nuk ia heq ende mundësinë të bëhet për herë të tretë radhazi fituese e Kupës, pasi gjithçka mbetet e hapur.

PANORAMASPORT.AL

---