AF Elbasani ka paraqitjen e parë historike sot në Europë. Përballë është BATE Borisov, ndërsa sfida nis në orën 20:00. Formacionet zyrtare për turin e parë të Ligës së Konferencës janë publikuar.

Elbasani do të ketë pesë debutues sot në “Elbasan Arena”. Bëhet fjalë për Aleksovskin, Epitauks, Tresën, Hebajn dhe Nikajn.

Ekipi i Ivan Gvozdenoviç është favorit për fitoren. Kjo pasi BATE po kalon momentin më të vështirë në histori.

LIVE: ELBASANI-BATE BORISOV 1-1

Nikaj 45+1′ / Rusakov 67′

KOMENTI LIVE:

89′ Zëvendësim i fundit tek Elbasani, largohet Nikaj në fushë Lleshi.

82′ Gvozdenoviç kryen dy zëvendësime të tjera, largohen Dialo dhe Tresa në fushë Karrica dhe Boje.

74′ Elbasani kryen dy zëvendësime largohen A. Kasa dhe Hebaj në fushë Bajramaj dhe Lukoki.

67′ GOL BATE BORISOV 1-1/ Shtanget skuadra e Gvozdenoviç, miqtë gjejnë golin e barazimit me Rusakov. Topi çan edhe rrjetën, duke krijuar një situatë komike. (VIDEO) 

61′ I papërmbajtshëm Ardit Nikaj, që “flirton” me golin e dytë, por portieri kundërshtar i thotë “JO”, duke ndalur gjuajtjen e shkodranit. (VIDEO) 

57′ Nikaj provon me të djathtën nga distanca, kontrollon në dy kohë portieri i BATE-s. (VIDEO) 

46′ BATE pranë golit të barazimit me numrin 26 Varska, tentativa e tij me kokë brenda zonës, shkon ngjitur me traversën. (VIDEO) 

46′ Starton pjesa e dytë.

Mbyllet pjesa e parë!

45+1′ GOOOOL ELBASANI 1-0/ Gol “made in Shkodra”! Ardit Nikaj kalon në avantazh skuadrën e Gvozdenoviç, pas asistit fantastik të Hebajt! Shpërthen festa në “Elbasan Arena”. (VIDEO) 

45′ Akordohen 2 minuta shtesë.

34′ Epito provon me një tentativë nga distanca, topi shkon mbi kuadrat.

18′ Minuta të mira për Elbasanin që ushtron presion të vazhdueshëm në zonën e BATES-s.

8′ Pranë golit Elbasani me Nikaj, shkodrani depërton bukur nga e djathta, provon me një gjuajtje potente, por ndalet nga portieri. (VIDEO) 

5′ Start i qetë, me të dyja skuadrat që duket se studiojnë njëra-tjetrën. Mungojnë rastet e rrezikshme.

1′ Starton sfida!

FORMACIONET ZYRTARE

ELBASANI – BATE Borisov

PANORAMASPORT.AL

---