Klubi i Tiranës vazhdon përforcimet me futbollistë gjatë merkatos së verës, për të ndërtuar grupin që trajneri Klafuriç do të ketë në dispozicion për sezonin e ri. Radhën sot e kishte një emër i cili pritet të përforcojë prapavijën e bardhebluve për këtë edicion.

Ashtu siç kishte paralajmëruar “Panorama Sport”, bardhebluve u është bashkuar qendërmbrojtësi Xhosef Kollei, i cili ka kaluar disa vite në akademinë e Çelsit, ndërsa ka luajtur me ekipet e moshave të Suedisë.

NJOFTIMI I TIRANËS

Mirë se erdhe, Joseph Colley!

KF Tirana njofton afrimin e Joseph Colley, i cili i bashkohet skuadrës për sezonin e ri.

Mbrojtësi qendror 26-vjeçar, i formuar në akademinë e Chelsea F.C., vjen pas eksperiencave të tij në Angli, Suedi dhe Greqi, duke nisur një kapitull të ri me fanellën e Tiranës.

Të urojmë suksese me fanellën bardheblu!

PANORAMASPORT.AL

LEXO EDHE:

EKSKLUZIVE/ Ishte shok skuadre me Armando Brojën te Çelsi, Tirana piketon transferimin e parë nga Polonia

---