Mario Dajsinani i mungonte prej kohësh Egnatias me ngarkesë të plotë. Portieri 27-vjeçar humbi të gjitha ndeshjet e Final Four, ndërsa lajmet e fundit janë mjaft pozitive.

“Super Mario jone është kthyer! Mario Dajsinani është rikthyer në stërvitje të plotë dhe po punon me ritmin e ekipit. Portieri ynë do të jetë gati për sfidat e ardhshme në UEFA Champions League”, shkruajnë kampionët.

Lajm mjaft i rëndësishëm, që tashmë Dajsinani është në dispozicion të trajnerit Nevil Dede. Përpara është ndeshja me Petrokub në turin e parë të Ligës së Kampioneve.

Nga porta në sulm, Egnatia është me alternativa të shumta. Objektiv mbetet vetëm kalimi në turin e dytë.

PANORAMASPORT.AL

---