Kevin Dodaj sapo ka firmosur te Vllaznia. “Panorama Sport” mëson se sulmuesi do të zyrtarizohet orët në vijim, edhe pse ky transferim duhet të vinte që në fillimin e javës.

Dodaj rikthehet në huazim nga CSKA Sofia ku nuk pati hapësira të shumta në pjesën e parë të sezonit. Kuqeblutë ishin edhe me fat për këtë huazim, duke qenë se klubi bullgar kishte vendosur kështu për Dodajn.

Vllaznia ishte edhe opsioni i vetëm ku lejohej huazimi, për shkak të rregullave të FIFA-s. Kuqeblutë gëzojnë transferimin e parë, ndërsa synojnë titullin kampion.

Merkato e Vllaznisë u zhbllokua vetëm dje zyrtarisht nga FIFA. Afrimi i Dodajt ndërkohë është vetëm i pari, ndërsa priten goditje të tjera.

ERJON ALLARAJ-PANORAMASPORT.AL

---