Finalja e Ligës së Kampioneve së këtij edicioni sheh PSG-në në fushën e lojës, ashtu si një vit më parë. Dhe Luis Enrike ka vendosur që të mos ndryshojë një ekip fitues.

Janë 10 futbollistë të cilët kanë nisur edhe finalen e një viti më parë ndaj Interit, ata të cilët do ta nisin nga fillimi edhe ndeshjen e sotme ndaj Arsenalit. Emri i vetëm që ndryshon është ai i portierit, pasi Safonov ka marrë vendin e Donarumës.

Kjo është hera e dytë në historinë e finaleve të turneut që një trajner nuk ndryshon 10 lojtarët përveç portierit në dy edicione radhazi. Zinedin Zidan e kishte bërë këtë në edicionin 2017-2018, duke hedhur në fushë të njëjtët futbollistë si një edicion më parë. Rezultati ishte i njëjtë për ekipin e tij, pasi ai dominoi në finale 3-1 Liverpulin ashtu siç kishte mposhtur 4-1 Juventusin një edicion më parë.

PANORAMASPORT.AL

---