Pierr Litbarski, një nga ikonat e futbollit gjerman, i cili ka luajtur në 3 Botërorë me Gjermaninë duke arritur në 3 finale e fituar një të tillë në vitin 1990, ka qenë shumë i ashpër në vlerësimin e tij për Julian Nagelsman.

“Më dhemb të shoh se çfarë pamjeje patetike po paraqet ekipi ynë kombëtar. Kur shoh, për shembull, se si janë zhvilluar japonezët vitet e fundit, ata na kanë parakaluar me hapa të mëdhenj. Kometa jonë, nga ana tjetër, po lëviz vetëm me shpejtësi poshtë”, tha ai për “BILD”.

“Ka shumë për të kritikuar rreth Julian Nagelsman, duke filluar me faktin se ai rrallë ndjek ndeshjet e Bundesligës në stadium ose pse nuk ishte në Kupën e Afrikës. Pse u bë Nagelsman trajner i kombëtares? Sepse nuk kishte asnjë zgjidhje tjetër. Edhe në Euro 2024, taktika jonë ishte të mbajmë gishtat e kryqëzuar dhe shpresojmë që Virtz dhe Musiala të funksiononin.

Nëse Nagelsman do të kishte shtyllë kurrizore, ai do të kishte dhënë dorëheqjen menjëherë pas eliminimit në ndeshjen kundër Paraguait. Kjo do të kishte nxjerrë diçka pozitive që do të dilte nga kjo katastrofë”, tha ish-futbollisti gjerman, i cili e sheh të ardhmen pa Nagelsman.

“Kush thotë se është një trajner i madh? Për mua, trajnerë të mëdhenj ishin Hitzfeld, Hapel, Rehagel, Latek, Daum ose Hejnkes. Të gjithë lanë gjurmë. Nagelsman nuk lë gjurmë, vetëm trishtim. Nuk kam më motivimin për të parë ndeshjet e ekipit tonë kombëtar, gjë që më pëlqente të bëja gjithmonë.

Pasardhësi? Jurgen Klop do të ishte trajner vetëm sepse nuk ka alternativa. Mendoj se ai nuk e nderoi veten me punën e tij si komentator për MagentaTV, sepse e vuri publikisht nën presion trajnerin e kombëtares. Pse të mos provosh një trajner nga jashtë vendit? Pep Guardiola, ai është dikush që do të sillte një frymë të re”, ishte komenti i Litbarskit.

PANORAMASPORT.AL

---