Milos Stojanoviç është si opsion për Borac Banja Lukën. “Panorama Sport” mëson se klubi boshnjak është në bisedime me 28-vjeçarin.

Stojanoviç u largua nga Vllaznia pas dy sezonesh. Lojtari nga Serbia konsiderohej titullar, ndërsa ndau rrugët me kuqeblutë pas përfundimit të kontratës.

Borac Banja Luka është emër i njohur për Egnatian. Kujtojmë se ia dolën vjet të eliminonin Egnatian në turin e parë të Ligës së Kampioneve.

Klubi boshnjak po përgatitet sërish për Europën. Këtë herë rrugëtimi do të nisë nga turi i parë i Ligës së Konferencës ku ndodhet në vazon e favoritëve, bashkë me skuadra si Vllaznia dhe Partizani.

PANORAMASPORT.AL

---