Endri Çekiçi është zyrtarisht pa ekip. 29-vjeçari e mbylli me Zakho FC, që rezulton të ketë postuar njoftimin në fundin e muajit qershor. Te Zakho u afrua në janarin e këtij viti.

Çekiçi prej kohësh nuk po gjen qetësi në karrierën e tij. Kujtojmë se katër vite më parë vlerësohej 5 milionë euro në treg, por vlera e tij filloi të ulej ndjeshëm.

Mesfushori me tipare sulmuese është tashmë në dilemë për të ardhmen. I lindur në Pogradec, karriera si lojtar profesionist për të nisi te Teuta ku regjistroi një ndeshje.

Prej më shumë se 12 vitesh luan jashtë Shqipërisë. Eksperienca e fundit me Zakho ishte pikërisht në Irak.

EMANUEL LOCI-PANORAMASPORT.AL

---