Ardit Krymi ka vendosur t’i qëndrojë besnik fanellës së Vllaznisë në Shqipëri. “Panorama Sport” mëson se lideri i mesfushës së kuqebluve ka rinovuar për dy vitet e ardhshme.

Krymi kishte mbetur pa kontratë në përfundim të sezonit. 29-vjeçari u rikthye në Superiore pas eksperiencës në Bjellorusi dhe fitoi vendin e mëparshëm te Vllaznia.

Krymi shpesh ka sakrifikuar në disa pozicione për kuqeblutë. Mesfushori i Vllaznisë jo vetëm në dy vitet e fundit, por edhe më parë është treguar lider për mesfushën.

Krymi numëron mbi 300 ndeshje zyrtare me skuadrën shkodrane. Gjatë kësaj kohe ka shënuar 8 gola dhe ka asistuar 10 të tjerë.

PANORAMASPORT.AL

---