Pas 14 javësh në Kategorinë e Parë, Egnatia e mbylli në vendin e tretë në grupin B, 5 pikë më pak se Bylisi i vendit të parë. Gjithsesi, bashkia e Rrogozhinës, ka bërë një ndryshim në stolin e ekipit.

Ilir Duro nuk do të jetë më trajner i ekipt, dhe “timonin” e Egnatias, do ta marrë Bledar Sinella. Kavajasi 48-vjeçar, ka një karrierë si trajner i disa ekipeve në Shqipëri, ku përmenden Besa, Tomori apo edhe Laçi.

Ndërkohë, Ilir Duro, në 14 javë, mori 8 fitore, 1 barazim dhe 5 humbje, duke grumbulluar 25 pikë në total. Egnatia tashmë me një frymë të re në drejtim, do të vazhdojë luftën për një vend në Kategorinë Superiore sezonin tjetër.

NDIQE LIVE "PANORAMA TV"

---