Kukësi dhe Partizani kanë ndarë pikët në një barazim 1-1, në sfidën e parë të javës së 17-të.

Kukësi dhe Partizani kanë ndarë pikët në një barazim 1-1, në sfidën e parë të javës së 17-të.

Një sfidë që u ndez vetëm në minutat e fundit, me Beshirajn që kaloi në avantazh vendasit në minutën e 79’, ndërsa Mensah vendosi baraspeshën sërish vetëm një minutë më vonë.

Polemikat shpërthyen në minutat shtesë, me Shahinajn që akordoi një penallti për demat në minutën e 98’, gjë që solli dhe irritimin e tifozëve, të cilët hynë në fushë për protesta. Gjithsesi 11-metërshi u godit në minutën e 101’ nga Murataj, por me topin që u përplas në traversë.

Kështu Partizani merr barazimin e gjashtë radhazi në kampionat, duke vazhduar kështu në vendin e dytë me 32 pikë, ndërsa Kukësi ngjitet momentalisht në vendin e 7-ë me 18 pikë.

REZULTATI

KUKËSI 1-1 PARTIZANI

Beshiraj 79′ / Mensah 80′

NGJARJET KRYESORE

90+12′ Mbyllet sfida në barazimin 1-1!

90+11′ Murataj niset nga pika e bardhë dhe godet traversën. (VIDEO)

90+9′ Disa tifozë hynë në fushë. Duhet ndërhyrja e policisë. (VIDEO)

90+7′ Shahini akordon penallti pas konsultimit me VAR.

90+5′ Mensah përplaset me Tafas dhe të kuqtë protestojnë për penallti, me gjyqtarin që lë lojën të vazhdojë për momentin. Pritet vendimi nga VAR. (VIDEO)

90+1′ Murataj del i vetëm përballë portierit, por tentativa e tij shkon shumë afër me shtyllën. (VIDEO)

90′ Akordohen 4 minuta shtesë.

89′ Smajli provon me një goditje nga distanca, por tentativa e tij shkon mbi kuadrat.

86′ Zëvendësim te Partizani. Largohet Keko dhe në vendin e tij futet Bircaj.

85′ Zëvendësim te Kukësi. Largohet Beshiraj dhe në vendin e tij futet Smajli.

80′ GOOOL PARTIZANI 1-1/ Antanaskoski kroson drejt zonës dhe Mensah godet me kokë duke e çuar drejt rrjetës. (VIDEO)

79′ GOOOL KUKËSI 1-0/ Topi ngel në zonë dhe gjen Beshirajn, i cili e shtyn drejt rrjetës. (VIDEO)

76′ Najare bën një lëvizje të bukur në zonë dhe godet me të majtën, por tentativa e tij shkon jashtë. (VIDEO)

62’ Largohen Cara dhe Mba, në lojë futen Mensah dhe Taipi.

61’ Salami bëhet gati të godasë drejt portës, Atanaskoski ndërhyn në momentin e duhur. (VIDEO)

56′ Beshiraj pretendon se u rrëzua në zonë dhe kërkon penallti. Arbitri vijon lojën (VIDEO)

55′ Rrapaj lë fushën e lojës, Murataj futet në vend të tij.

51′ Domi lë fushën e lojës, ka minuta për Najarën.

47’ Rivas gjuan drejt portës, Qirko bën një pritje të mirë. (VIDEO)

47′ Hadroj mbetet në dhomën e zhveshjes, zëvendësohet nga Zekolli.

46′ Nis pjesa e dytë, largohet Momoh dhe në lojë futet Domi.

45’+4′ Mbyllet pjesa e parë e sfidës!

45′ Akordohen 4 minuta shtesë.

45’ Momoh largohet nga sfida, në lojë futet Duka.

43’ Mba gjuan me kokë drejt portës, por topi shkon jashtë.

41’ Murati pason për Beshirajn, ky i fundit godet por topi bllokohet nga muri mbrojtës. (VIDEO)

38’ Rrapaj shpërdoron mundësinë e artë për gol, gabon shënjestrën duke e dërguar topin jashtë. (VIDEO)

36’ Atanaskoski ndëshkohet me karton të verdhë pas ndërhyrjes së gabuar ndaj një futbollisti të Kukësit.

28’ Salami pason për Da Motën, ky i fundit nuk arrin të shënjestrojë si duhet dhe humb rastin për të kaluar në avantazh ekipin e tij. (VIDEO)

27’ Janjeva pason drejt Hadrojt ky i fundit nuk arrin ta gjejë topin.

12’ Rrapaj lëshon predhën drejt portës, Tafas i kundërpërgjigjet me një pritje fantastike. (VIDEO)

11’ Keko ka një mundësi të mirë për të shfrytëzuar rastin, por Tafas arrin të mbyllë mjaft mirë. (VIDEO)

8’ Maget gjuan nga distanca, gjuajta e tij është totalisht e gabuar dhe topi përfundon mbi traversë. (VIDEO)

4’ Murati dhe Keko përplasen në një dylyftim në ajër, futbollisti i Kukësit fashon kokën. (VIDEO)

2’ Rivas tenton të befasojë Qirkon, por topi përfundon shumë larg shtyllës së majtë.

1′ Starton dueli!

FORMACIONET ZYRTARE

KUKËSI: Tafas, Reçi, Lamçe, Lala, Murati, Momoh, Da Mota, Fejzaj, Salami, Rivas, Beshiaraj

Trajner: Stavri Nica

PARTIZANI: Qirko, Hadroj, Sota, Janjeva, Atanaskoski, Rrapaj, Mehmeti, Maget, Cara, Mba, Keko

Trajner: Arbër Abilaliaj

PANORAMASPORT.AL

NDIQE LIVE "PANORAMA TV"

---