Shqipëria, sa shumë “dhurata” kundër të voglave

Panorama Sport | Gazeta me e madhe sportive ne vend

Postuar: Nëntor 16, 2019 | 22:46

Kombetarja Kombetarja A Të fundit

Shqipëria, sa shumë “dhurata” kundër të voglave

Ndeshjet ndaj kundërshtarëve të vegjël në letër në momentet që ke dalë nga objektivat, janë ato që të bëjnë të ndryshosh mentalitetin dhe të ndihmojnë në një proces rritjeje. 

Balaj vs Andorra

Ndoshta mund të themi që fitorja e këtyre sfidave të ndihmon të kalosh nga një ekip i vogël në ekip të madh. Kombëtarja shqiptare vazhdon të notojë në ujëra të turbullta për sa i përket kësaj historie. Ashtu si vite më parë, edhe tani që ka bërë hapa progresivë drejt rritjes në futboll, tregohet e vogël dhe tkurret kur ka ndeshje të tilla, si ajo me Andorrën.

Barazimi befasues në “Elbasan Arena” kundër një skuadre të nivelit si Andorra është një tregues i qartë se diçka nuk shkon me kuqezinjtë. Vitet kalojnë dhe ende nuk ka asnjë përmirësim. Ekipi e humbet toruan, sillet shumë çuditshëm në fushë dhe bën gabime foshnjarake.

Tri “disfata” – Kush e ka memorien e fortë, nuk është befasuar aspak nga ai barazim historik që mori skuadra e Andorrës. E di mirë që edhe në të shkuarën kuqezinjtë herë pas here bëjnë “rrëshqitje” të tilla të pakuptueshme. Ka ndodhur në eliminatoret e “Brazil 2014”, kur skuadra pasi doli nga gara për t’u kualifikuar shkoi në Qipro e pamotivuar dhe ka bërë një ndeshje shumë të shëmtuar, duke mos e goditur praktikisht portën kundërshtare.

sda

Dy vite më parë (2011) e njëjta histori me Luksemburgun, ku në transfertë kuqezinjtë u thyen 2-1. Për të vazhduar më tej. Ndaj Maltës, kuqezinjtë barazuan 0-0. Jemi duke folur për rivalë të një niveli të dobët dhe që fitorja nuk duhet të llogaritej nga Kombëtarja shqiptare. Pa shkuar më tej në humbjet me goleada si ajo ndaj Rumanisë në ndeshjen e fundit (6-1). Rumania ishte një skuadër shumë herë më e fortë se kuqezinjtë e Oto Bariçit, por shthurja që pësoi skuadra jonë ishte e pa tolerueshme.

E njëjta histori – Fitoret e fundit me goleada kundër Islandës dhe Moldavisë dhe një trajner ekspert si Edi Reja duket se do ta ndryshonin këtë trend negativ, por duket si një “fuqi” mbi trajnerin dhe mbi skuadrën. Kur vjen fundi i eliminatoreve, ka një mungesë motivimi dhe përqendrimi.

Ai barazim me Andorrën sigurisht që duhet të shërbejë si një mësim i mirë. Kundërshtarët erdhën vetëm 2 herë në portën tonë dhe shënuan 2 gola. Vendosja e mbrojtësve dhe mesfushorëve ishte katastrofë në të dyja rastet. Në shumë raste ndeshje të tilla kanë ngrënë “kokën” e trajnerëve dhe Edi Reja pavarësisht se ka fituar besimin e presidentit të FSHFsë, Armand Duka, duhet të bëjë kujdes. Pas ndeshjes me Francën do të bëhet bilanci i këtij rrugëtimi.

GENTJAN ALINANI 




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com