Klubi më i titulluar në ishull, Liverpuli parakalon Mançester Junajtid
Liverpuli bëri historinë të dielën në finalen Kupës së Ligës kundër Çelsit. Një sukses me vlera të dyfishta, pasi i jep mundësi “të kuqve” të parakalojnë rivalët historikë të Mançester Junajtidit si klubi më i titulluar në Angli.
I themeluar në vitin 1892, Liverpuli është klubi më i suksesshëm në Angli, duke arritur kuotën e 68 trofeve në të gjithë kompeticionet ku ka marrë pjesë, duke lënë një pas Mançester Junajtidin.
“Të kuqtë” janë përmirësuar ndjeshëm me ardhjen e Jyrgen Klopit në krye, teksa Kupa e Ligës e fituar të dielën ishte e dhjeta në histori, që e bën Liverpulin klubin që e ka fituar më shumë këtë trofe.
Duke llogaritur vetëm kompeticionet që luhen në ishull, gjithsesi Junajtid mbetet klubi më i titulluar me 59 trofe kundrejt 54 të Liverpulit. Por diferencën e bëjnë kompeticionet ndërkombëtare me “the reds”-at që janë më të suksesshëm me 14 trofe kundrejt 8 të “djajve”.
PANORAMASPORT.AL
NDIQE LIVE "PANORAMA TV"