Vora ka prezantuar afrimin e radhës në skuadër. Bëhet fjalë për mbrojtësin shqiptar, Renato Halili. 18-vjeçari vjen nga Italia, por luan edhe më Kombëtaren shqiptare U19.

POSTIMI I PLOTË

📄✍🏻 Renato Halili i bashkohet klubit tonë.

Klubi ynë ka kënaqësinë të njoftojë se Renato Halili është zyrtarisht pjesë e skuadrës sonë.

Mbrojtësi qendror 18-vjeçar vjen pas një eksperience të rëndësishme në Itali, ku është zhvilluar te Südtirol, duke kaluar nëpër ekipet zinxhir dhe aktualisht ishte pjesë e Südtirol Primavera. Me gjatësi 1.85 m dhe profil modern në mbrojtje, Halili spikat për sigurinë në duele, leximin e lojës dhe ndërtimin nga prapa.

Renato është aktualisht pjesë e Kombëtares së Shqipërisë U-19, ndërsa më parë ka qenë pjesë edhe e U-16 dhe U-17, një rrugëtim që tregon potencialin dhe vazhdimësinë e tij.

Me talentin dhe potencialin e tij, pritet që Renato Halili të rritet vazhdimisht dhe të zhvillojë më tej cilësitë e tij, duke u bërë një vlerë e shtuar për ekipin në vazhdim.

Mirë se erdhe, Renato! 🤍💙

View this post on Instagram

A post shared by FK VORA (@fk_vora)

PANORAMASPORT.AL

---