Klubi i Dinamos ka ndarë rrugët me sulmuesin Bernard Berisha, i cili ka vendosur të ndërpresë bashkëpunimin me klubin kryeqytetas.

Këtë e ka konfirmuar vetë lojtari me një postim në rrjete sociale, duke i dhënë fund pas një viti eksperiencës së tij si pjesë e bluve ku nuk pat shpesh një rol qendror dhe u përfol vazhdimisht për përplasje me trajnerin Ilir Daja rreth minutazhit.

POSTIMI I BERISHËS

Pas  marrëveshjes  me klubin Dinamo, nga sot jam lojtar i lirë.

Dua të shpreh mirënjohjen time të sinqertë për Presidentin e klubit, stafin,, bashkëlojtarët dhe të gjithë tifozët e Dinamos për mbështetjen dhe respektin gjatë kësaj periudhe. Ishte një nder të isha pjesë e këtij klubi dhe ju jam falënderues për çdo moment të përbashkët.

I uroj Dinamos shumë suksese në vazhdim, si në kampionat ashtu edhe në çdo sfidë që e pret në të ardhmen.

Ndërsa për mua fillon një kapitull i ri. Shumë shpejt do t’ju njoftoj edhe me skuadrën time të ardhshme.

Faleminderit për gjithçka!

E.KUKA-PANORAMASPORT.AL

---