Daniel Aful është portieri i ri i Egnatias. Dhe pse kampionët janë kursyer me prezantimin, nga jashtë Shqipërisë zbulohet se gardiani afrikan ka firmosur kontratë 5-vjeçare.

20-vjeçari numëron paraqitje me Ganën U-20, ndërsa firmosi te rrogozhinasit në fundin e tetorit. Futbollisti është transferuar nga Akra Lions, që është pjesë e Ganës.

Edlir Tetova fiton një tjetër element interesant për të ardhmen. Aktualisht Mario Dajsinani është garancia e portës.

Kampionët e Shqipërisë dallohen për qëndrueshmërinë në prapavijë. Tashmë në portë llogaritë mund të bëhen edhe me Aful.

EMANUEL LOCI-PANORAMASPORT.AL

---