Arbenit Xhemajli ka firmosur kontratën e re tek Egnatia deri në vitin 2027. Mbrojtësit i përfundonte kontrata në fundin e këtij sezoni, por vendosi të pranonte kërkesën e rrogozhinasve për rinovimin. 

“KF Egnatia ka kënaqësinë të komunikojë rinovimin e kontratës me mbrojtësin Arbenit Xhemajli deri në vitin 2027”, shkruhet në njoftimin e klubit.

Drejtuesit e klubit kampion janë kujdesur që të rinovojnë me lojtarët kryesorë të skuadrës, ndërsa 26-vjeçari konsiderohet një prej tyre.

Kujtojmë se Xhemajli u afrua në verën e vitit 2023 dhe prej atëherë qëndron si referim në qendrën e mbrojtjes.

PANORAMASPORT.AL

---