Vora ka vendosur të zhvendoset nga stadiumi i Laçit tek “Arena e Demave”. Klubi i Superiores nuk e ka akoma gati stadiumin e tij dhe kanë kaluar dy muaj nga fillimi i kampionatit. 

“Panorama Sport” iu sjell pamje se si paraqitet gjendja aktuale. Pritshmëritë janë që në fundin e nëntorit, Vora ta luajë ndeshjen e parë në shtëpi. Sigurisht që këtu kanë ndikim edhe kushtet atmosferike.

Vora ka surprizuar me ecurinë deri tani. Pas shtatë javësh të luajtura, skuadra e Arjan Bellajt numëron 10 pikë. Kështu ka lënë pas Partizani, Tiranën, Bylisin dhe Flamurtarin.

Skuadra është e qartë për objektivin e këtij sezoni. Vora synon vetëm të mbetet në Superiore, ndërsa e ka edicionin e saj të parë historik në elitë.

PANORAMASPORT.AL

---