Shqipëria e volejbollit do të ketë një tjetër fundjave intensive në Ligën e Europës, pasi do të zbresë në parket për fazën e tretë dhe të fundit me grumbullim në grupe.

Këtë herë turneu zhvendoset në Tiranë, teksa salla “Feti Borova” do të jetë arena që do të presë sfidat ndërkombëtare të sportit të rrjetës. Duke e nisur nga vajzat kuqezi, ato do të sfidojnë sot Austrinë në orën 16:00. Më tej, të shtunën në të njëjtën orë do të luhet takimi Suedi-Austri, ndërsa Shqipëria e trajnerit do të rikthehet në parket të dielën për ndeshjen e fundit kundër Suedisë në orën 16:00.

Në radhët e djemve, Shqipëria do të luajë të sot në orën 19:00 kundër Danimarkës në “Feti Borova”. Të shtunën në të njëjtën orë do të zhvillohet ndeshja tjetër e këtij grumbullimi, ku përballë do të jenë Rumania dhe Danimarka, ndërsa të dielën në orën 19:00 kuqezinjtë do të mbyllin rrugëtimin europian me përballjen kundër Rumanisë.

PANORAMASPORT.AL

---