Partizani B dhe Ergys Luga kanë ndarë përfundimisht rrugët. “Panorama Sport” mëson se sot u mbyll me marrëveshje bashkëpunimi mes palëve.

Luga u afrua në dhjetor te familja e kuqe për të marrë vendin e Oltijon Kërnajës. Ekipi shkoi deri në gjysmëfinalen e “play off”. Më pas ishte Bylis B që triumfoi në ndeshjen me eliminim direkt.

E ardhmja e trajnerit 37-vjeçar pritet të jetë në Kategorinë e Parë. Kujtojmë se më parë Luga ka drejtuar edhe Erzenin pikërisht aty.

Partizani B ndërkohë nuk do të nxitohet për trajnerin e ri. Kujtojmë se të kuqtë bëjnë pjesë në Kategorinë e Dytë.

PANORAMASPORT.AL

---