Meksika i ka shpëtuar një ndëshkimi nga FIFA vetëm disa orë para përballjes me Anglinë në fazën e 1/8 së finales së Botërorit. Ata luajtën mëngjesin e sotëm me Anglinë në stadiumin “Estadio Azteca”, që ndodhet rreth 2.200 metra mbi nivelin e detit dhe ku meksikanët mbahen për një rekord të fortë në ndeshje zyrtare.

Pati raportime se ora e fillimit të ndeshjes mund të ndryshohej. Kishte shqetësime për të ngritura rreth sigurisë së mbështetësve, me motin si një faktor shtesë, por pas diskutimeve, FIFA ka konfirmuar që ndeshja të luhet sipas orarit fillestar, në 18:00 me orën lokale, si dhe 02:00 në Europë. Pjesa më e madhe e përgatitjeve u përqendrua te Anglia dhe masat e jashtëzakonshme të sigurisë rreth hotelit të saj, ku ishte vendosur një prani e madhe policore për të parandaluar incidente nga tifozët meksikanë, si dhe ato që çuan në një ankesë nga Federata e Futbollit të Ekuadorit, në ndeshjen e kaluar.

Megjithatë, edhe përgatitjet e Meksikës kanë tërhequr vëmendje, pasi kombëtarja shmangu një ndëshkim nga FIFA për shkeljen e një rregulli të rreptë të vendosur nga qeveria botërore e futbollit. Mësohet se influenceri dhe personaliteti i internetit Stefen Roko Deleonardi, i njohur si ’SteveuillDoIt’, kishte vendosur një bast prej 2 milionë dollarësh që Meksika do ta mposhtte Ekuadorin dhe do të kualifikohej në fazën me eliminim direkt. E përderisa Meksika fitoi 2-0, ai përfitoi 1.2 milionë dollarë.

Për të shprehur mirënjohjen ndaj kombëtares meksikane, ai vendosi t’u dhuronte lojtarëve ora luksoze “Rolex” dhe publikoi një video në “YouTube” për këtë gjest. Pikërisht secili lojtar mori një orë luksoze, teksa fotografitë u shpërndanë gjerësisht në rrjetet sociale. Kurse në Instagram ai shkroi: “I dhurova çdo lojtari dhe anëtari të stafit të Meksikës një orë shumë të shtrenjtë… kjo ndodhi para se ta dominonin Ekuadorin! Sa shumë besoja tek ata. BOOOOOOOOM! Videoja e re në YouTube në orën 20:30, sipas kohës së Lindjes! Ju dua të gjithëve. E dua Meksikën. E dua kombëtaren meksikane. BOOM!”. Megjithatë, Federata Meksikane e Futbollit njoftoi më pas se lojtarët kishin vendosur, me marrëveshje të përbashkët, t’i kthenin orët. Në deklaratën e publikuar në “X” thuhej: “Kombëtarja e Meksikës njofton se, me marrëveshje të përbashkët, lojtarët tanë vendosën t’ia kthenin krijuesit të përmbajtjes ‘steveuilldoit’, orët që ai ua kishte dhuruar me iniciativën e tij.”

Lojtarët i kthyen orët pasi pranimi i tyre përbënte shkelje të Nenit 20 të Kodit të Etikës të FIFA-s. Gjithashtu u raportua se ata nuk mund t’i mbanin orët edhe për shkak të një marrëveshjeje sponsorizimi me markën tjetër të orëve, ‘Hublot’. Rregullat e FIFA-s përcaktojnë se lojtarët dhe zyrtarët nuk lejohen të pranojnë dhurata ose përfitime me vlerë të lartë në asnjë rrethanë. Nëse nuk do t’i kishin kthyer orët, ata mund të ishin ndëshkuar me gjoba ose edhe pezullim.

Sipas agjentit të licencuar nga FIFA, Josef Adamfio, ky rregull “siguron që profesionistët e futbollit – si zyrtarët, agjentët, drejtuesit dhe të tjerët – të mos japin apo marrin dhurata ose përfitime që mund të ndikojnë padrejtësisht në vendimet e tyre. FIFA synon të parandalojë ryshfetin dhe korrupsionin, duke ruajtur drejtësinë në futboll”. Ai shtoi se suveniret e thjeshta lejohen, por dhuratat me vlerë të madhe janë të ndaluara.

PANORAMASPORT.AL

---