Magjia e stadiumit “Hayward Field” në Eugene, tempulli i atletikës amerikane, u konfirmua edhe një herë gjatë edicionit të 51-të të “Prefontaine Classic”, mitingu më i rëndësishëm i vitit në Shtetet e Bashkuara dhe ndalesa e nëntë e “Diamond League”.

Gara u zhvillua më herët se zakonisht në kalendar, për t’u transmetuar në një orar më të përshtatshëm për publikun evropian. Momenti më i rëndësishëm i mbrëmjes ishte pa dyshim shpërthimi i një ylli të ri të sprintit botëror. Vetëm 18 vjeç, amerikani Tate Taylor triumfoi në garën e 200 metrave me kohën 19.75 sekonda, pavarësisht erës së kundërt (-0.9 m/s).

Taylor la pas edhe kampionin olimpik nga Botsvana, Letsile Tebogo, i cili u rendit i dyti me 19.93 sekonda. Rezultati i amerikanit e ngjit atë në vendin e dytë në listën historike të atletëve nën 20 vjeç, pas australianit Gout Gout (19.67). Vetëm pak javë më parë, Gout nuk kishte mundur t’i rezistonte Tebogos në Oslo, ndërsa Taylor përmirësoi rekordin e tij personal me plot 19 të qindtat në një garë të nivelit më të lartë.

PANORAMASPORT.AL

---