Java e parafundit e Kategorisë Superiore ka dhuruar rezultate mjaft interesante, me shumë lojtarë protagonistë si në të mirë, ashtu edhe në të keq të saj. “Panorama Sport” ju sjell në vijim ato që janë formacionet të cilët përmbledhin të gjithë këta personazhe.

Në formacionin më të mirë spikatin sidomos lojtarët e ekipeve të mbijetesës, sepse ishin ata që morën pikë të rëndësishme për skuadrat përkatëse, ndërsa nuk mungojnë as Balaj me Gjonin, autorët e golave të ndeshjes Elbasani-Vllaznia.

Ndërkohë, formacioni më i dobët është i mbushur me lojtarë të skuadrave pretendente, të cilët kanë lënë shumë për të dëshiruar me paraqitjet e tyre në javën e parafundit.

Trajneri më i mirë i javës është Bledar Hodo, i cili atëherë kur nuk mendohej, e drejtoi Teutën në mbijetesën e qetë që në javën e parafundit. Ndërsa trajneri më i dobët, vlerësohet Ilir Daja për humbjen në Laç që i kushtoi vendin e dytë në renditje.

PANORAMASPORT.AL

---