Juventusi po fillon të reflektojë mbi formacionin e tyre sulmues teksa po mbyllet sezoni 2025/26. Bardhezinjtë kanë pasur vështirësi në gjetjen e një lojtari kyç, i cili ende duket se mungon në sulm. Ata kanë nevojë veçanërisht për një pasues të besueshëm të Dushan Vlahoviç, rinovimi i kontratës së të cilit mbetet shumë i pasigurt.Në këtë skenar, profili më i ndjekur është ai i Robert Levandovskit , aktualisht i lidhur me Barcelonën, por me një kontratë që skadon në qershor. Agjenti i tij, Pini Zahavi, siç raportohet nga Tuttosport, është parë në Itali dhe dje në San Siro duke testuar ujërat me disa klube të mëdha. Sipas gazetës, sulmuesi polak do të marrë në konsideratë vetëm projekte që mund t’i ofrojnë atij një vend në Ligën e Kampioneve.

Juventusi vlerëson përvojën e gjerë të Levandovskit, por përballet me konkurrencën nga Milani. Kuqezinjtë, ndërsa monitorojnë polakun, duket se po e shohin edhe Aleksandër Sorloth, i cili mund të largohet nga Atletiko Madrid.

PANORAMASPORT.AL

---