Dinamo nuk po kalon një moment të mirë dhe të shtunën në Shkodër, do të provojë që të kalojë këtë formë në përballjen ndaj Vllaznisë.

Të besuarit e Dajës do të përballet me shkodranët që mbajnë vendin e parë në klasifikim dhe fitorja është detyrim për vetë objektivin që kryeqytetasit kanë, në një përballje që këtë vit ka dhuruar emocione dhe shumë polemika në të gjitha sfidat e zhvilluara. Për këtë sfidë të rëndësishme, Daja do të duhet të bëjë pa shërbimet e disa prej lojtarëve kryesorë, pasi Beqja e Qardaku mbeten sërish jashtë për shkak të dëmtimeve të pësuara disa javë më parë, ndërkohë që në sfidën e fundit ndaj Teutës, u largua i dëmtuar edhe Qefalija.

Mesfushori është këshilluar të stërvitet individualisht në palestër me shpresën që të jetë i gatshëm për sfidën e së shtunës edhe pse duket e vështirë. Një tjetër mungesë e rëndësishme është ajo e Guindos, i cili pësoi dëmtim vetëm një ditë para takimit me Teutën, duke përfunduar jashtë skuadrës për atë sfidë dhe do të rikthehet pas Kombëtares.

PANORAMASPORT.AL

---