Bota e futbollit u trondit dje nga lajmi i trishtë, për ndarjen nga jeta të Mladen Zhizhoviç. Ky i fundit ishte ulur në stolin e Radniçkit, që po përballej me Mladost në Serbi. Pas 20 minutave lojë pësoi një kolaps dhe u transportua në spital, megjithatë përpjekjet rezultuan të kota.

Zhizhoviç ishte vetëm 44 vjeç, ndërsa kujtohet si ish-futbollist i Tiranës në Shqipëri. Po ashtu në vitet e fundit është përfolur edhe si kandidat, për t’u ulur në stolin e bardhebluve. Në Shqipëri kalonte eksperiencën e vetme jashtë Bosnjës si lojtar.

Si trajner ndërkohë drejtoi edhe Shkupin për një periudhë kohore në Maqedoninë e Veriut. Tirana ka publikuar sot një postim për Zhizhoviç.

PANORAMASPORT.AL

---