Stadiumi “Selman Stërmasi” do të jetë një fytyrë të re në të ardhmen dhe impianti bashkë me zonën përreth do të ndryshojnë plotësisht. Gara për ndërtimin e impiantit në fjalë është mbyllur sot me shpalljen e projektit fitues, i cili parashikon rindërtimin e stadiumit, por edhe të sheshit përreth tij duke e kthyer në hapësirë multifunksionale.

Pas prezantimit të 5 projekteve gjatë ditës së sotme, juria ndërkombëtare ka marrë në pyetje arkitektët përgjegjës dhe në fund është bërë edhe vlerësimi i këtyre planeve.

Në fund, projekti fitues u shpall ai i dizajnuar nga “OMA” dhe që tani pret dritën e gjelbër për t’u vënë në zbatim bashkë me investitorët ndërkombëtarë e shqiptarë.

PANORAMASPORT.AL

---