Levan Tandilashvili është drejt kalimit tek Egnatia. Kampionët e Shqipërisë e kanë piketuar gjeorgjianin si zëvendësuesin e Mario Dajsinanit, që zërat e largojnë nga Shqipëria gjatë kësaj merkato.

22-vjeçari është aktualisht pjesë e Telavit, që bën pjesë në ligën e dytë gjeorgjiane. Tandilashvili shfaqet si befasi në radarin e rrogozhinasve.

Portieri në fjalë numëron paraqitje edhe me Gjeorgjinë U-19 dhe U-21. Po ashtu ka luajtur në elitën e futbollit gjeorgjian me Televin ku ra nga kategoria në edicionin e kaluar.

Deri tani Egnatia ka dy portierë pas transferimit të Klajdi Kukës te Tirana. Portieri i dytë për ekipin e Edlir Tetovës është Daniel Aful.

PANORAMASPORT.AL

---