Arzhonzh Bintsuka ka zyrtarizuar në një mënyrë se do të kthehet te Partizani. Sulmuesi kongolez ka publikuar në rrjetet sociale, që do të luajë në Ligën e Konferencës me Partizanin.

Ky reagim vjen pasi është hedhur shorti për turin e parë dhe të dytë në Ligën e Konferencës. Bintsuka aktualisht është pa kontratë, ndërsa nuk mungon dëshira e “demave” për të rinovuar.

22-vjeçari rezulton të jetë sulmuesi më efikas i Partizanit në dy edicionet e fundit. Dhe pse duhet thënë që nuk është llogaritur gjithmonë si titullar.

Trajneri Skënder Gega ka bërë pa të gjatë përgatitjeve të kësaj kohe. Tashmë mbetet për t’u parë nëse do të bashkohet përfundimisht me grupin.

PANORAMASPORT.AL

---