Argjentina ka kaluar grupin, ka treguar forcën e saj dhe kërkon Botërorin e dytë radhazi, megjithatë trajneri Lionel Skaloni e gjen veten me një dilemë lidhur me formimin e skuadrës. Kjo sepse, me kualifikimin e parakohshëm si lider i Grupit J, zgjedhjet duhet të mendohen sipas hapit tjetër ndehsjet e radhës, per 1\16. Ata nuk duan t’ia lënë detajet rastësisë. Edhe pse Skaloni e ka gjithmonë fjalën e fundit, zgjedhjet meditohen dhe diskutohen së bashku, ku natyrisht është Mesi ai që i ve vulën përfundimtare.

Detyra e trajnerit është të krijojë logjistikën e nevojshme në mënyrë që të gjithë të arrijnë në gjendje të mirë në kulmin e garës. Nga njëra anë, ekziston qëllimi për t’u dhënë minuta atyre që nuk kanë pasur ende mundësinë të luajnë. Nga ana tjetër, ka disa që nuk janë ende 100 për qind fizikisht dhe të tjerë që kushtëzohen nga kartoni i verdhë që morën.

Dihet gjithashtu se të gjithë duan të luajnë. Lionel Mesi, duke dashur të shtojë rekordet, me siguri do të jetë i pranishëm. Është shumë e vështirë të nxjerrësh Emiliano Martinez nga porta. Lautaro Martinez, disi i zemëruar për zëvendësimin, ndoshta dëshiron të kërkojë golin e tij për të shtuar besimin. Ajo që është e qartë është se, përtej dëshirave individuale, Skaloni dhe stafi i tij do t’i japin gjithmonë përparësi të mirës së grupit.

Përveç portierëve Geronimo Ruli dhe Huan Muso, ata që nuk e kanë pasur ende pagëzimin e tyre në Kupën e Botës dhe kanë më shumë konsideratë për të zbritur në fushë këtë të shtunë janë Markos Senesi, Ezekuel Palasios, Valentín Barko, Xhovani Lo Selso, Xhuliano Simeone dhe Flako Lopez. Niko Gonzalez dhe Niko Paz, të cilët erdhën si zëvendësues gjatë dy ndeshjeve të para, gjithashtu mund të merren parasysh.

Ai që me siguri nuk do të jetë aty do të jetë Cuti Romero, i cili po përmirësohet nga dëmtimi. Avantazhi që Argjentina ka është se ndeshja e tretë luhet thjesht për të menduar për mënyrën më të mirë për t’i dhënë përparësi finaleve të 16-ta. Futbolli është një sport plot me të padiskutueshme dhe nuk është e lehtë të krijosh një enigmë të tillë. Megjithatë, Scaloni dhe stafi i tij trajner tashmë kanë dhënë shumë mençuri dhe sens të shëndoshë në ndjekje të një objektivi të vetëm, të mirën e kombëtares argjentinase.

DRITAN LUNDRA-PANORAMASPORT.AL

---