Esteban Kambiaso ndodhet në Tiranë!

Një vizitë surprizë e ish-fituesit të Tripletës me Interin, i cili është fotografuar në rrugët e kryeqytetit shqiptar.

“Panorama Sport” ka siguruar pamjet ku ish-mesfushori argjentinas ka pozuar në Tiranë.

Kambiaso nuk është i vetmi futbollist i Interit që është parë në kryeqytetin shqiptar, më parë kanë qenë edhe Marko Materaci dhe Ivan Ramiro Kordoba.

Argjentinasi është aktivizuar me zikaltërit për rreth 10 vite dhe ka fituar 5 herë titullin kampion, 1 herë Champions-in, 4 herë Kupën e Italisë, 4 herë Superkupën e Italisë dhe 1 herë një Botëror për Klube.

Vlen të theksohet se Kambiaso ka fituar Tripletën me Interin (Kampionat, Kupë të Italisë dhe Champions) brenda 1 sezoni të vetëm, atë në 2009/2010.

BRIAN KRISTO – PANORAMASPORT.AL

NDIQE LIVE "PANORAMA TV"

---