Koronavirusi i djeg ëndrrën, Myrto Uzuni humbet duelin me Lionel Mesin në “Kamp Nou”

Panorama Sport | Lajmet e fundit nga bota e sportit

Postuar: Tetor 19, 2020 | 23:58


Koronavirusi i djeg ëndrrën, Myrto Uzuni humbet duelin me Lionel Mesin në “Kamp Nou”

Myrto Uzuni i pafat! Sulmuesi i Kombëtares, nuk do të jetë i gatshëm në sfidën e nesërme ndaj Barcelonës në “Kamp Nou”. Kjo për shkak të Koronavirusit, që është duke u përhapur me shpejtësi në të gjithë Europën, teksa i prekur i radhës ka qenë futbollisti beratas, i cili nuk figuronte në grumbullimin me skuadrën për ndeshjen ndaj Kisvarda në kampioantin hungarez të premten dhe ka munguar në stërvitje gjatë këtyre ditëve.

pjimage

Kësisoj, shqiptari nuk iu bashkua ekipit që udhëtoi drejt Barcelonës për Ligën e Kampioneve. Uzuni humbet kështu përballjen historike me Lionel Mesin në “Kamp Nou”. Një ëndërr e djegur për talentin beratas.  Ende nuk ka një reagim zyrtar nga ana e klubit për mungesën e Uzunit.

Mësohet se futbollisti nuk ka simptoma dhe është në gjendje të mirë shëndetësore, thjesht pret që tamponi të dalë dy herë negativ për t’u kthyer përsëri në fushën e lojës.

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com