Vetëm pak ditë më parë, Ersil Ymeraj zyrtarizoi largimin nga Kastrioti, pasi krutanët ranë në Kategorinë e Parë në fund të sezonit të kaluar.

Ymeraj shprehej se kërkonte një aventurë në Superiore, dhe tashmë, mesfushori ka arritur akordin me Laçin, për të qenë sërish në elitën e futbollit shqiptar.

“Panorama Sport” mëson se 25-vjeçari, ka gjetur akordin me kurbinasit dhe ka firmosur një kontratë për dy vite me ta. Ymeraj i shtohet kështu listës së lojtarëve që trajneri Sulejman Starova do të ketë në dispozicion këtë sezon, duke i shtuar vlera repartit të mesfushës.

BUJAR BALLIU – PANORAMASPORT.AL

NDIQE LIVE "PANORAMA TV"

---